Lag eit skilt
Dette treng du:
- Passande trestykke
- Skarp, kort kniv
- Skruar og skrujern
- Sag
- Om du får tak i jern til treskjering er du heldig, men det går også fint med spikkekniv
Slik gjer du:
- Gjer grovarbeidet først: Skjer til stolpen og lag hakk i tverrstokken.
- Skjer ut det som skal stå på skiltet, og hugs spikkereglane!
- Vurder om du treng å male nedi spora du har laga, slik at bodskapet er godt synleg.
- Sett til slutt saman delane og fest med skrue eller surr med hyssing.
Spikkereglar:
- Bruk ein kniv som passar til formålet. Kort, skarp kniv med godt handtak er bra til spikking.
- Spikk aldri mot deg og ikkje mot andre.
- Ha fokus på det du held på med.
- Legg kniven i slire på ein trygg plass sjølv når du tek ein kort pause.
- Ha små og litt større plaster tilgjengeleg.
Om aktiviteten:
Du kan sleppe kreativiteten laus når du lagar skilt. Tenk litt på at den delen som skal stå i bakken må tole å stå fuktig lenge. Den delen du vil skjere i bør vere mjukare. Må du ta veldig hardt i er det lett for at kniven glepp. Gjer delane nesten ferdig før du tek til på finarbeidet, i tilfelle du opplever at veden sprikk. Ikkje set spikar eller skruar i levande tre. Når skiltet vert gamalt og oppbrukt så må ein hugse å fjerne skruar så ikkje nokon trakkar dei i seg.