Byggepakke: Modell Langedalen
Draumeplass-prosjekt
Troda 4H var ein av to vinnarar av Draumeplass-konkurransen i 2015 der 4H delte ut 50 000 kr, prosjekthjelp og arkitekttenester til to naturmøteplassprosjekt. Som du ser har Troda verkeleg gjennomført eit prosjekt i draumeklassen.
Naturmøteplassen er bygd på ein gamal setervoll i Langedalen.
Ein kan framleis vandre mellom grunnane til dei gamle seterbygningane og tenke seg korleis livet har vore her - og når du får høyre om det gamle bjørnehiet rett oppi lia, får fantasien fritt spelerom.
I tillegg til Draumeplassen-konkurransen har Troda 4H fått 195 000 kr i støtte frå Gjensidigestiftelsen, og dei har òg fått støtte frå eit par private/bedriftssponsorar.
til nedlasting:
Klikk på biletet for å laste ned byggepakke med teikning, materialliste, budsjett, m.m.
Du finn 3D-teikning av bygget om du lastar ned det gratis programmet SketchUp. Les meir om dette og om byggepakkar og teikningar her.